Russia hian Myanmar leh India-a a ralthuam hralh tawh te an lei chhawng leh tiin thuthang a awm thu June 5 khan Nikkei Asia news chuan a tar lang a.
Russia-in Myanmar leh India hnena a ralthuam hralh tawh te, a lei chhawnna chhan hi Ukraine beihna atana an rin thu an tar lang a.
Russia hian kum 2022 February thla atang khan Ukraine a bei atang khan US, Euroup leh Japan te hian Russia-ah ralthuam tawlh lut tawh lo turin an khap tawh a.
Russia-in a ralthuam a hralh tak a lei chhawn leh chungchangah Nikkei Asia news chuan UralVagonZavod ralthuam siam chhuahna company, Russia sorkar leh Myanmar Military council-te a zawhnaah eng pawl mahin an chhang lo a.
“Lei chhawn lehna dan angin” kum 2019 khan UralVagonZavod company chuan Myanmar-a an ralthuam hralh te fel lo deuh a awm avangin Russia hnenah a pek kir leh thu hriat a ni a.
International remna leh muanna insuihkhawm pawl ten an sawi dan chuan Russia hi khawvela ralthuam hralh tam ber 3-na ram a ni a. Kum zabi 20-naah khan India hi Russia siam ralthuam 35% lei rengtu ram a nih thu sawi bawk a ni.
Thla hmasa lawk khan Japan rama G7 Meeting an neihnaah khan G7 hruaitute khan Russia ramah ralthuam tawlh lut tawh lo turin an khap thu ram hrang hrang mi te hnenah a ngen tawh bawk a ni.
