Myanmar-a tharumthawhna titawp thuai turin  Pope-in a ngen

0

Kum za chuang fea an sak tawh Caucasian Catholic Biak in Military council ten an tihchhiat chungchangah January 22 khan Pope Francis  chuan an tharumthawhna hi titawp thuai turin a ngen a ni.

Sagaing region, Ye U township, Chanta (Chhian Ta) khuaa kum 129 laia rei tawh Caucasian Catholic Biak in an hal chungchangah pawi a tih thu a sawi a ni.

Hemi chungchangah Sunday ni khan Vatican palace St, Peter tualzawla inkhawmnaah Pope-in thuchah a sawinaah a sawi tel a. He Biak in hi Myanmar-a Biak in hlun ber zinga mi a nih bakah Catholic Biak in pawimawh tak a nih thu a sawi tel bawk a. Chanta khuaah Military council sipai te leh Phyusawhti pawl ten January 14,15 khan khawchhungah luh chilhin In an hal tumah he Biak in hi an hal tel a ni.

Pope chuan khaw hrang hranga mi ten harsatna an tawnna te leh he tharumthawhna a tawp thuaina tur te bakah hma lam huna zalen taka an awm theihna turin kan tawngtaisak reng a ni tiin a sawi zui bawk.

He inkhawmnaa kal zawng zawng te hmaah Pope chuan Myanmar ram buai chungchangah tawngtaipui theuh turin mipui te a sawm thu Vatican news chuan a tarlang.

Russia-in Ukrein a beihnaah chawlhkar kal taah khan mipui 50 vel an boral a, Peru tharunthawhna pawh tihtawp a nih thuai nan Pope chuan a ngen bawk a ni.

Share.

Leave A Reply

Exit mobile version