Myanmar ram chhungah ram buai avangin in leh lo tlansan leh mi mangangte an pun zel thu UN mipui tanpuitu pawl (OCHA) ten an thuchhuahah an tarlang a ni.
Heng avang hian in leh lo tlansan, neih thill eh bungrua hrang hrang hloh ta te, inj tunnun nana veivahna leh eichawp lak luh chhuahna kawngah harsatna an tawk zel a.
Chenna ina kir ngam lo te, tlanchhiatna hmuna awm nawk nawk te bakah ramhnuaiah leh a chhehvelah buk an khuar hlawm a.
Kum 2023 February 27 thlenga UN-in a chhinchhiah dan chuan Myanmar ram chhungah in leh lo tlansan mi maktaduai 1.6 chuang an awm tawh niin a sawi.
Heng zinga mi maktaduai 1.3 chuang te hi kum 2021, February-a Military council ten thuneihna an lak hnua tlanchhia te an ni a.
Heng zinga tam zawk te hi Myanmar north west-a, mi 915000 an awm thu UNOCHA ten an thuchhuahah an tarlang a ni.
Media Monitor Collection ten an thuchhuah danah chuan Military council ten thuneihna an lak hnu hian mipui chenna in 53786 an hal chhe tawh a. Sagaing region-ah In 38000 chuang an halchhiat tawh thu hriat a ni.
Heng bakah hian ralthuam avangin mi 2725 an boral tawh a, Sagaing region-ah mi 2047 boral tawhin an tam ber thu Media Monitor Collective chuan an thuchhuah an tarlang a ni.
Thuneihna an lak avang leh ralthuam avangin tualchhung mipui 24065 an man tawh a tawh thu Media Monitor Collective chuan a sawi bawk.
UN leh tlawmngai pawl ten an sawi dan chuan Sagaing region-a mi ten hliam leh raltlan an tam ber a, tanpui an ngaih zual thu an sawi a ni.
