Myanmar tan Yangon khawpui leh Mandalay khawpui inkar Rel kawng changkang tak siam tum Japan sorkar ruahman project ODA chuan a thulh leh thu Asahi Shimbun chanchinbu-ah tar lan a ni a, he project hi kum 10 liam ta atang khan Myanmar leh Japan-ten an lo ruahman tawh thu hriat a ni bawk.
Myanmar hian a mipuite sorkarna laksakin thuneihna an pawng lak avangin Myanmar tana kan puih ve theihna tura hi Japan hian a sut leh a ni tiin chanchinbu-ah an ziak a. Mipui sorkar lai khan ODA-ten hmalak an tum thu Japan chuan a sawi a.
Kilometer 620 vela thui Yangon leh Mandalay inkar kawng hi Rel kawng changkang ve deuha hmalak tumin kum 2013 khan Japan chuan an lo ruahman tawh a. Rel kawng te a tul anga thuam that leh siam that nan tiin Japan chuan Japan pawisa Yan Billion 142.2 a rem ti tawh a. Kum 2023 khan an siam dan tur te en fiah a nih hnuin kum 2018 khan an thawk tan a; hmun 3-a then, hmun khat an zo hman nia ngaih a ni a.
Military council-ten thuneihna a lak hnu hian chhunzawm leh turin sawipui leh mah se, Japan chuan a tihtawp ta a ni. Japan chuan Covid-19 boruak te, thil man san vang leh cheng hlutna a tlak hniam avang te leh kawng hrang hrang avang tein nikum November thla atang khan harsatna an tawh thu Asahi Shimbun chanchinbu-ah a tar lang a ni.
