Myanmar ram chhung Region leh State hrang hranga Basic Education School, Private school leh sakhaw hmuna zirna school telin kum 2023-2024 zir kumah hian May 30 thlenga an chhinchhiah dan chuan zirlai hming inpe mi nuai 61 chuang (6157928) an awm thu Ministry of Information te hnen atanga hriat a ni a.
Kum 2023-2024 zir kumah hian Primary atangin Hight school-a zirlai te chu June 1 atangin zirlai an tan dawn a, zir tur hming inpe te hi May 23-31 thleng hun hawn a nih thu hriat a ni bawk.
May 30 thlenga zirlai hming inpe zawng zawng te hi mi nuai 6157928 an nih thu hriat a ni a. He zirna turah hian Grade-9 leh Grade-12-ten zirlai thar an zir ang a, zirtirtute pawh Centtal atanga zirlai an kawhhmuh anga an zirtir dawn thu hriat a ni a.
Zirlaiten hming an inpeknaah hian naupang kum 5 chin hnuai lam chu KG tiin leh kum 6 chin chung lam te chu Grade-1 tia an then thu Ministry of Information-ten an thuchhuahah an tar lang a.
Kum 2022-2023 zir kumah khan Region leh State hrang hrangah May 26 atangin June 1 thleng khan hming an inpe hlawm a. Basic Education School, Private school leh sakhaw hmuna zirna school-ah zirlai hming inpe zawng zawng kha mi 5609676 an tlin thu Ministry of Education Guide te hnen atanga hriat a ni bawk.
