Myanmar-ah THLA 3 CHHUNGIN BOMB VAWI 300 CHUANG A PUAK

0

RFA (Radio Free Asia) lam chhut danin siam chawp bomb leh paipawn bomb, a puah tamna hmun berte chu police station bul leh an kaihhnawh hmun bikah te, printing Office-ah te, school-ah te, Office thenkhatah te, sorkar hnathawk inah te bakah veng chhung in thenkhatah te a ni tlangpui tiin a tarlana a.

Myanmar rama hmun pawimawh tak awmna Yangon-ah hian ni tin bomb puak ri hriat tur a awm reng a. Hmanni lawk khan TinKanChun khawpui ‘A’ Ward, DaMahYung kiang Building-a inneihnaah bomb a puak a, Monu tiamin mipa 2 an boral thu pawh kan hre vek arm e. 

Yangon khawpui-a cheng thin Ko ZiYahLun chuan Yangon khawpuia bomb puahna chhan tam zawkte hi sipai awmpna leh a kaihhnawih awmna hmun velah a ni tlangpui a nih thu a sawi a. Bomb puahna hmun thenkhatte chu sipaiin a ruat, khawlal inah hmuh tur a awm nual bawk a.

Bomb puah zinna hmunpui pakhat chu Sagaing Region, Kalaymyo hi a ni a. May ni 24,2021 khan No.6 High school bulah bomb a puak leh a. AAPP-in a chhinchhiah danin sipaiin sorkarna an lak atanga March 22,2021 thleng khan mi 261 zet an boral tawh a. Heng bomb a puahna hmunte hi sipaite leh an kaihhnawihte hmunah hmuh tur a tam ber a ni.

RFA leh International Security company ten March, 2021 chhunga an chhinchhiah danin siam chawp bomb leh rahchilh bomb vawi 13 ai tlem lo a puak tawh a, April 2021 thla chhungah vawi 158 ai tlem lo leh tun May ni 1-21, 2021 thleng khan vawi 140 aia tlem lo a puah tawh thu

an tarlang bawk a ni.

Share.

Leave A Reply

Exit mobile version