Myanmar sipai indo thawhna chu June ni 30-ah Thailand ram chhung van boruaka a thlawh luh avangin, Thailand sorkar chuan chawi tura a hriattir thu Thailand deputy defense Minister Chaichan Changmongkol-an a sawi.
July ni 8-ah Thailand parliament-a MP Sarawut Phetpanomporn-an Thailand ramri chhung lama Myanmar military council-in Karen mite a beihnaah Thailand ram chhung a luh leh luh loh zawh a nihin, Thailand Defense Ministry lam chuan Myanmar jet fighter chu Thailand rama a rawn thlawh luh thu, ngaihdam dilna tawngkam mai bakah chawitir a nih tur thu sawi chhuah a ni.
Chutih rualin Thailand sorkar chuan Thai-Myanmar ramri-ah a sipaite duty tirin, security tikhuah leh zual bawkin, Thailand Royal airforce F-16 pawh patrolling neihtir a nih thu Thai defense deputy minister chuan a sawi bawk a.
Mahse, Military council chuan Thai-Myanmar ramri-ah mipui sipai PDF leh KNU sipai campte chu a la bei reng tho a ni.
