ASEAN hruaitu nihna chelh thar Cambodia Prime Minister Hun Sen chuan Myanmar ASEAN special envoy atan an ram foreign affairs Minister Prak Sokhonn chu ruat a nih thu a puang a.
Cambodia hian kum 2022 atan ASEAN Chairman nihna chu a chelh dawn a. Tuna special envoy ruat thar Prak Sokhonn chuan Brunei deputy-foreign Minister Erywan Yusof chu a thlak dawn a ni.
Myanmar ram tana ASEAN palai ruat thar chu April thlaa ASEAN hruaitute inremsiamna consencus 5 tihlawhtling tur leh inbiakna tluang taka kalpui chhunzawm tur leh humanitarian lama tanpuina kalpui zel tura mawhphurna pek a ni.
ASEAN Chairman nihna chelhtu Cambodia Prime Minister Hun Sen hian nakum January ni 7 leh ni 8 khian Myanmar-a zin a tum a, Min Aung Hlai nen pawh an lo inbe tawh a. Kum 2022-ah chuan ASEAN pawl chu inlungrual lehzual an kal tur thu Hun Sen chuan a lo sawi lawk bawk a ni.
