Daw Aung San Suu Kyi kaihhruai NLD Party telin Party 40, Military council ten an hnawl chungchangah pawi a tih thu leh pawl hrang hrang ten tangho va, thawhpui zel turin UN Secretary Antonio Guterres chuan a ngen thu UN Secretary Office-a thupuangtu chuan Zirtawpni khan UN Office-a press conference-ah a sawi a ni.
Myanmar Military council tena an ruat Election Commission ten Daw Aung San Suu Kyi kaihhruai NLD telin Party 40 a hnawlna chungchangah pawi a tih thu leh Democracy kawng zawh chungchangah chakna a nih tlem dawn bakah Myanmar dihmun an harsa zual zel thei a ni tiin Secretary Office-a thupuangtu Stephane Dujarric chuan a sawi a ni.
Heng bakah hian Myanmar chungchangah tangho tur leh thawhpui turin Myanmar thenawm ram te bakah UN-a tel ram hrang hrang te UN Secretary chuan a sawm thu a sawi bawk a ni.
Tuna an hren mek President U Win Mynit, State counsellor Daw Aung Suu Kyi bakah mi pawimawh dang an man te nen chhuah zalen thuai turin UN Secretary Antonio Guterres chuan a ngen thu a sawi tel bawk a ni.
US Foreign minister Anthony Blinken pawhin Myanmar Military council ten NLD telin ram chhung Party 40 a hnawl chungchangah US hian an dem nasat thu ama Twitter-ah a tarlang a ni.
Myanmar Military council ten NLD telin ram chhung Party 40 a hnawl chungchangah US bakah Britain, Australia leh Japan ram ten an dem nasa hle bawk a ni.
