Ukraine leh Myanmar buaina chungchangah zual lam a la pan zel avangin khawvelah remna leh muanna a awm theih nan Cambodia foreign minister leh international cooperation minster ni bawk Prak Sokhonn chuan a ngen a ni.
He thu hi hman ni lawk khan a vawi 52-na United Nations Human Rights Council (UNHRC) online meeting-naah Prak Sokhonn chuan a sawi a ni.
He ram chhung buainaah hian ralthuam tel lova remna leh muanna a awm theih nan leh ram hrang hrang te inrawlh lo turin UN secretary Antonio Guterrs-an a sawi angin Cambodia ram ten an thlawp hle a ni.
Myanmar ram buaina chungchangah an dinhmun a derthawng zual zel a, sawi thiam har tak a ni tiin Prak Sokhonn chuan a sawi a ni.
Kum 2022 khan ASEAN-a chairman inchelh chhawk tum khan Myanmar hi harsana karah zalen taka a awm theih nan Cambodia ram hian a beisei hle thu a sawi zui a ni.
Kum 2022, ASEAN-a chairman inchelh chhawk tum khan Cambodia Prime Minister Hun Sen leh ASEAN palai Prak Sokhonn Myanmar-a an tlawh tum khan ram dinhmun theih tawpa chin fel an tum a, duh angin hma a sawn thei chuang lo a ni.
Military council sipai puipa ber Min Aung Hlaing leh ASEAN hruaitu te nen Five-Point Consensus thuthlung an ziah pawhin eng mah hma sawn thei chuang lo a ni.
Military council sipai ten thuneihna an lak hnu, kum 2 hnu hian tualchhung mipui 3000 chuang an that tawh a, mi 17000 chuang man tawhin mi maktaduai 1,5 chuang in leh lo an tlansan tawh thu hriat a ni.
Myanmar ram buaina chungchangah ASEAN nena lungrual taka a awm theih nan chik taka ngaihtuah a ngaih thu politician thenkhat ten an sawi a ni.
Myanmar ram buaina ching fel tur hian ASEAN ten theih tawpa tanho a ngaih thu ASEAN chairman inchelh chhawka chelh mek Indonesia ten an sawi a ni.
