Myanmar inthlanpui chungchangah Chin NLD Chairman Pu Ngaih Sak chuan “Inthlan chuah hi ram danpui hmanga thuneihna inhlan theihna kawng awmchhun a ni” tiin a sawi a.
Chin National League for Democracy party chairman U Ngaih Sak, Khonumthung News-in a kawmnaah hetiang hian Myanmar ram politic a hmuh dan a sawi a ni.
Chin NLD Chairman Pu Ngaih Sak chuan, Mlitary Council hian Myanmar ram danpui (Constitution)-in a sawi angin thuneihna kan la an tih a, chumi atanga an tal chhuah lehna kawng awmchhun chu i thlanna (General election) neih hi a ni a ti a. General election hi danpuiin a sawi angin an tih ngei ngei a ngai a, Inthlanna hi an ti thei lo emaw an ti duh lo emaw a nih chuan sipai sorkarna hi hun a la duh rei dawn a nia ti a.
A pahnih atang Chin NLD Chairman Pu Ngaih Sak chuan a sawi zawm leh a. Military Council ten Political Party registration dan a siam thar chungchangah zawhna chhang lehin Myanmar ramah hian party member nei fumfe si lo va political party din ve ri hawt hi an tam hle a, chumi tihzia awm nan leh politic chiri lutuk tihbo a nih theih nan a nih hmel a ni a ti a.
A pathumnaah sawi zawm lehin, Chin NLD party hi political party registration tihnawn leh intumin Military Council-in inthlanna a buatsaih turah hian intel vein candidate siam intum em tih zawhna a chhang leh zawn leh a He mi chungchang hi a thuphung chuan an sawiho nual tawh a, thuthlukna tak erawh party rorelna sangin a la siam ang. Ni 60 chhunga (March 28 thleng)-a kan in-register hman lo a nih chuan kan party (CNLD) chu thiah a ni dawn tihna a ni ang. CNLD hi lo in -register nawn leh ta lo ni ila, CNLD bak hi Chin hnam zawng zawng huapzo party a awm si lova a pawi hle dawn a ni. Chuvangin, kan hnam pumhuap ang emaw mimal thil emaw political issue chungchang thlen tur leh ngaihtuah ngai lo awm ta se Chin National huapzo political party pakhat tal kan neih ngei chu a tul si a ni a ti bawk a ni.
A tawp ber atan chuan Chin NLD Chairman Pu Ngaih Sak chuan, Tun dinhmunah Military Council-te hian inthlanna a buatsaih theih i ring em? tih zawhnaah Pu Ngaih Sak chuan, Myanmar rampumah hian township 290 chuang awmnaah hian Martial law puanna hi township 37 chauh a la ni a, inthlanna chu an neih theih ngei a rinawm a ti a, Mahse, inthlanna muanawm tak zawng a nih rinawm lem loh a ti bawk a ni.
