“State 9-a zaa 70 CNF leh CDF Battalion ten kan thunun tawh siah chuan an inthlan hunah a bang zawng chauh an chang dawn tihna ang a ni ang” tiin CNF thupuangtu Salai Thet Ni chuan a sawi.
Military council ten inthlanpui an buatsaihna turah eng tin nge an sawi le…
Military council ten ram chhung huapa inthlanpui an buatsaihna turah hming list an la mek a. January 26 pawh khan khauh takin ID card dan chungchangah hma an la tawh a ni.
Military council ten inthlanpui an buatsaihna turah eng tin nge i hmuh dan. Chin State-a inthlanpui an neih tumnaah eng ang chenin nge tih theih an tum. Chin ralthuam keng pawl leh mipuite rilru sukthlek dan, min hrilh thei ang em?
- CNF thupuangtu Salai Thet Ni
“Military council te an dan zam dan kan thlir chuan Myanmar ramchhunga hnam tin chi tin awm dan nen an inmil lo hle a. Chuan, Bama mi leh sa ni lo, ethic group, ram leilung fate tan ramchhunga chanvo neihna turah an dang chat zel a. Sipai uniform hlip USDP anga inen lovin Bama mi leh sa nihna hmangin ramchhung an enkawl ang a ni a. Kawng lehlama thlir chuan Nagis hun lai kum 2008-a ram inrelbawl danpui an zam chu hun remchangah lain an la che zel a ni.
Chin State, township 9-a zaa 70 CNF leh CDF ten an thunun ta a, an inthlanpui turah hmun dang tlem te chauh an buatsaih thei dawn a ni”. tiin a sawi.
- CNDF Chief commander Peter Thang
“Ding lai sorkarna chelh mek te, Military council ten an hnawl avangin thuneihna an pawng lak a. Inthlanpui kan buatsaih ang an ti a, mipui ten an rem ti lova. Eng mah sawi remna awm lovin inthlanpui an buatsaih leh a, an pamtul leh a; hetiang a nih avangin mipui ten an ring zo tawh lo a. A bik takin keini ralthuam keng pawl ten kan ring lo lehzual a ni.
Federal Democracy tana beitu te hian an thu angin kan awm thei lova, inthlanpui buatsaih mah se, kan tel dawn loh avangin hnehna an chang leh dawn tho ang a ni. Mipui te pawn bumna vote kan thlak ka ring lo. Anni erawh chuan mitdawihvai angin mipui vote-in a hneh, tih ang hawi zawngin an sawi leh ang a, a nihna dikah chuan mipui duhthlanna vek a ni leh dawn si lo a ni” tiin a sawi.
- PDF-Zoland thupuangtu
“An tih dan hi ka duh hlawl lo, rukru in sawi thiam ang a ni. State leh township level-ah an tih theih dan a awm lo. Rampum huapa zaa 5 vel pawh nih theih dan, a awm lovin ka hria. Mipui ngaih dan hmangin kum 2021 khan an bei tawh a, tunah an ti nawn leh a. Poit nei lo mahni tanghma haina hi kan thlir mek a ni. Keini chuan he inthlanpuia inhnamhnawih te kan hrem dawn a, a ruka thlawptute pawh ramchhungah pawh awm ni se che thei lovin Revolution te nen kan hrem dawn thu puan tawh a nih angin hma kan la dawn a ni” tiin a sawi.
