Kah Pah Sah tia lam tawi Defence equipment factory atangin Myanmar Military council sipai hman tur ralthuam siam nan India Tonbo Imaging company ten an tanpui thu Justice for Myanmar chuan January 19 khan a sawi.
Myanmar Military council te hman tur ralthuam siamna turin Asia, Europe leh North America telin ram 13 ten an tanpui thu Myanmar tana UN officer hlui te insuihklhawm pawl (SAC-M) ten hman ni lawk khan an thuchhuahah an tarlang a. An thuchhuahah hian Tonbo Inmaging company pawh a tel a ni.
India Tonbo Imaging company hi Singapore-ah office an hawng a, Military council hman tur Rifle silaia an hman en hlatna durbin Ek long-rang thermal sights an supply thu an sawi. Tonbo Imaging company hi Lithuania rama reseatch te nen an thawhho thu an sawi bawk. US Duke University-a Prof. David Brady pawh he an hnathawhnaah hian adviser-ah an tel thu an sawi.
Chuvangin US leh Lithuania ram ten Myanmar Military council tan ralthuam siamna tura an tanpuinaah Justice for Myanmar ten titawp thuai turin an ngen a ni
