Myanmar Military Council ten sorkarna an pawng lak kum khat chhung hian MilitaryCouncil te leh a puibawm pawl ten chenna in leh a kaihhnawh an hal chhe nual tawh a. chenna in 6158 an hal chhiat tawh thu Data for Myanmar pawl ten an thuchhuahah an tar lang.
Heng thil thleng te hi Myanmar ram chhung hmun 165-ah a thleng tawh a. Map leh thlalak chenin Social Media-ah tar lan a nih rualin chenna in an hal kan te pawh a hun leh ni bakah a boruak tawn dan thlengin an chhinchhiah zel thu an sawi.
Military Council te hal chhiat tak te an chhinchhiah dan chuan Sagaing Region-ah chhenna in 3689 niin an tam ber a. A dawt lehah Chin State-ah chenna in 1105, Magwe Region-ah chenna in 885, Kaya State-ah chenna in 311 te an kang chhe tawh a ni.
Data for Myanmar te leh News Group hrang hrang tena an chhinchhiah dan te hi Cross check neih zel a ni a. Tualchhung tlawmngai pawl leh raltlan hnen atanga hriat te nen khawn khawm chawpa list lak thin a ni
a, a felhlel deuh mai thei bawk a, hei ai pawh hian a number a tam zawk mai thei tiin an sawi bawk.]
Tun dinhmun rihah chuan Myanmar ram chhungah hian Military Council pawl ten mipui te ngheisain an la kap hlum zui zel a. Mipuite nun khawchhuahna atana bei fat fattu ten People Defensive War a thleng mek a ni.
Myanmar ram chhunga mipui te hian Sipai sorkarna hmet mit a, zalen taka Federal Democracy kawng a zawh theihna turin Region tinah leh State tinah beihpui an thlak mek a.
Political Prison pawl (AAPP) te an thuchhuahah chuan ‘ Myanmar Military Council ten sorkarna an pawng lak kum khat chhung hian pawi sawi lo mipui 1590 lai an sawisa hlum tawh a. Mi 12466 zet man tawhin an tantir thu’ an tar lang.
