Myanmar Military Council ten sorkarna an lak hnu, kum khat leh a chanve hnuah chenna in 30000 vel an hal chhe tawh

0

Myanmar Military Council ten sorkarna an lak hnu, kum khat leh a chanve hnu hian chenna in 28434 an hal chhiat tawh thu Data For Myanmar pawl ten an sawi.

Sagaing Region huam chhungah, August 25 thlenga an chhinchhiah dan chuan Military Council sipaite leh PDF te inkahnaah chenna in 20153 hal chhe tawhin an tam ber a.

Magwe (Ma Gui) Region-ah chenna in 5418 hal chhe lehin a dawt a, Chin State-ah chenna in, 1474 hal chhe tawhin a 3-na a nih thu Data For Myanmar chuan a tar lang.

Kachin State, Kayin State, Kaya State, Shan State chhim lam, Mon State, Pagu Region, Thaninthari Region leh Mandalay Region-ah pawh chenna in an hal chhiat nual thu hriat a ni bawk.

Heng chenna in an hal chhiat tak te hi Military Council te sulhnu vek a nih thu Thlalak, Video cover te chu, tualchhung mipuite leh pawl hrang hrang ten an pho lan laiin Military Council-te chuan an hal chhiat a nih loh thu an sawi ve thung.

Share.

Leave A Reply

Exit mobile version