July 31 khan National Defence and Security Council (KaLon) meeting neih a thutlukna angin Military Council chuan emergency period hi thla 6 dang atan a pawt sei leh niin Military Council Propaganda Telegram channel-te chuan an tar lang a.
He Kalon Meeting hi Military Council thuneihna chelh chhumzawm nana thla ruk dang pawh sei nemnghehna a ni a, National League for Democracy NLD civil sorkar laia vice president hna thawk tawh U Henry Van Thio pawh vawiin Kalon meeting-ah hian a tel ve bawk niin heng channel-te tarlan a ni. Henry Van Thio hi tlang mi niin NLD Sorkar laia NLD Party atanga ram pum 2nd Vice President-a hlan kai kha a ni a, ram buai hnu hian a chin hriat a ni lo va. Military Council chuan emergency siam turin an ngen a, 3rd extension chu July 31 khan a tawp ta a ni.
Kum 2008 Constitution Article 425-ah chuan Commander-in-Chief of the Armed Forces-in a hna a thawh zawh theih loh chuan emergency hun chhung pawh sei hun hi vawi hnih pawh sei theih a ni a, a tlangpuiin thla ruk chhung atan pawh sei theih a nih laiin țun tum hi emergency period pawh sei hi a vawi 4-na a ni tawh a ni.
