The Tahan Post
Norway Central bank ten an thuhnun mek khawvela Global Pension Fund Dollar trillion 1.4 atangin Korea leh India ten Myanmar Military council te nen inhnamhnawiha a hriat avangin tuialhthei leh gas company 2 te Zirtawpni khan an tihtawpsak a.
South Korea sorkar thunun mek Korea Natural Gas Corporation (KOGAS) leh India sorkar thunun Gas company GAIL India Ldt. te tanpuina sum pawl atangin an hnawh chhuah thu Norway central Bank, Norger Bank ten an thuchhuahah an tar lang a ni.
Ram buai leh mipui nunna tiderthawng a, human right dan pal zuttu company ten kawng hrang hranga an puih thin avangin Global Pension Fund ten an sawi a ni.
Hetia an puhna chhan chu “A bul berah chuan Myanmar Military council-te nen hian an inpawh thuk hle a, pawl chungchang leh company chungchangah an indawr nasa khawp mai” tiin Norges central Bank-a invesment thuneituten an sawi a ni.
Hetia action an lakna chungchangah GAIL India company te Reuter chanchinbu hmangin an hriattirnaah tun thlengin chhanna a la awm rih loh angin Korea Natural Gas Corporation (KOGAS) te pawh an la be pawh thei rih lo a ni.
Norway hian he tanpuina sumpui hi Parliament rorel anga dan leh hrai zawm lo leh zah lo company-te an awm chuan an chhuaktir mai thin a ni.
Nikum chawhnu lam khan he tanpuina sumah hian Korea Natural Gas Corporation (KOGAS) chuan Dollar maktaduai 5.5 man hu share hmangin an thunun a, hei hi a la bang share 0.21% a entir a. Hetiang vek hian GAIL India company pawhin Dollar maktaduai 70.2 man hu share an thunun bawk a, company-a share zawng zawng 0.92% a entir bawk a ni.
Khawvel huap sorkar pension sum pawl lian Global Pension Fund tia hriat lar pawl lian tak hi kum 1996 khan Norway rama din a ni a. Tun dinhmunah hian tuialhthei man atanga sum lut khawl mek a ni a, khawvel hmun hrang hrang atangin share 1.5 vel a thunun mek a ni.
He tanpuina sum kawltu Norway central bank Norges hian khawvel company 9200 chuangah share a thunun mek a ni.
