India north east-a awm Manipur State Amphal khuaa Jail tang Myanmar raltlan mi pakhat February 26 zan khan a boral thu hriat a ni.
Boral tan kum 32 mi Lamkhochon Guite hi Tamu township Kong Taung Village tract, Swa Ya San khua mi a ni a. Manipur State Moreh township Lanchan khuaa a raltlan laiin an man a. Myanmar raltlan 80 chuang te nen Amphal khua Sajiwa Jail-ah an khung thu hriat a ni.
Ani hi February 25 zanlai khan lungphu chawlin a thih thut thu Burma Refugee Kabaw Valley-a thuneitu Pu Thanseia chuan a sawi.
“Lung natna a neih kan hre lo, A rak vak a, a let tawp a, kan va ena a thi der mai a ni. An Tanna hmun pawh a hrehawm hmel khawp mai, ei in, silh leh fen leh in enkawlna an nei lo a ni” tiin Pu Thangsei a sawi a ni.
Heng bakah hian kum 70 chuang mi 3 te an hriselna a that loh avangin Amphal khawpui damdawi inah an enkawl thu hriat a ni.
“Kum upa kum 70 chuang mi 3 damdawi inah an pu lut a, an ngaihsak loh avangin Tan inah an dah leh ringawt a.. Manipur sorkar human Right leh Democracy ram ten, hetia an kal zel chuan mi dang tan hriselnaah an harsa hle thei dawn a ni” tiin Pu Thanseia chuan a sawi a ni.
Manipur State-a Myanmar raltlan mi 393 an man zingah mi pakhat thubuai an awrhtir thu hriat a ni a.
Tun dinhmunah mi 107 thubuai an ziah luh tawh zingah mi 105 an tantir tawh a, mi 180 apple-a an chhuah rih thu Manipur Minister N Biren Singh chuan State Assambly meeting-ah a sawi a ni.
