India, Mizoram State, Zokhawthar khuaah Myanmar atanga raltlante tan Eldora Tailoring Centre-ten a thlawnin puan thui zirna an buatsaihsak chu August 7 khan an hawnna an neih thu hriat a ni a.
Tunah rih chuan zirlai mi 20-ten an zir mek a, thla 5 chhung zir tur a ni a, heng zirna senso zawng zawng hi US-a cheng mek Ko Sangtean a tum vek bakah puan thui khawl 3 a pek thu hriat a ni a.
A hawnna inkhawmah hian Mai J Sharon chuan “He zirna hi thla 5 hnuah thla 5 dang hawn leh a ni ang a, nakin hnuah chuan disgner thiam te rawih a ni ang a, Sunday dress thlengin zirtir an ni dawn a. Zirlaite tan hian Bakcheh, puan than leh zir man tumsak a ni a, tunah hian raltlan hmeichhia mi 8 leh Zokhawthara mi 2 ten an zir mek” tiin a sawi a ni.
Zokhawthar khuaah hian Myanmar raltlante awm tamna ber niin mi 3000 chuang an awm thu hriat a ni bawk.
