Rohingya buaina telin tun dinhmuna tawn mek Myanmar ram buaina chi hrang hrang chhang let thei turin dollar maktaduai 280 chuang hman a nih tur thu Canada sorkar chuan June ni 20-ah thuchhuah a siam a ni.
Myanmar ram tan Canada sorkar chuan strategy duangin sum hman theih zat tur atan dollar mtd 288.3 vel thleng, kum thum chhunga tihhlawhtlin tum a nih thu hriat a ni a.
Chu project chhungah chuan Rohingya issue leh Myanmar rama raltlan te, tun dihmuna harsatna tawkte telin a hun rei zawng leh tawi zawi in ang lovin, chi hniha then hrang a ni.
Canada sorkar chuan Myanmar mipuite duhzawng ang taka Myanmar ramah democracy tundinna telin Rohingya te chunga thil sual lian taka thlenna chu Myanmar firfiak sipaiten mawhphurhna an lak ngei theih nan hmalak zel a tum thu a sawi lang bawk a.
Ruahman lawkte tihhlawhtlin a nih theih nan Myanmar leh Bangladesh ram inkara buaina awmte chu chin fel zel a nih theih nan ASEAN leh UN telin khawvel ram hrang hrangten Rohingya issue leh Myanmar ram chhung buaina atan special envoy pakhat ruat a nih tur thu sawi lan a ni.
Canada Foreign affair Minister Melanie Julie chuan, “Tuna thil thleng mek Rohingya leh Myanmar ram chhung buaina chungchangah Canda sorkar chu a rilru a hah hle a. Myanmar sipaiten firfiaka chetna chawlhsan nghalin, mi zawng zawng leng police sawihona bul tan thei tur leh ASEAN consensus 5 te a taka chantir theih a ngai a. Rohingya telin a tuar zawk mite mamawh phuhru thei tura, nakin zel atana kawng tha zawk leh chu mi atana thusawite hre thiam thei turin kan bei chhunzawm zel dawn a ni,” tiin a sawi.
Canada sorkar chuan Bangladesh ram tan humanitarian aid dollar mtd 15.3 pek a tum bakah Myanmar ram tan pawh kum 2022 chhungin Rohingya te tan leh mi harsa zualte tanpui nan US dollar mtd 10.3 pek a tum thu hriat a ni.
