Myanmar ram chhungah hian hmun danga inthliar fihlim raltlan mi nuai 9 chuang an awm tawh thu April 19 khan UNOCHA ten an thuchhuahah an tar lang a.
Kum 2021 February atang khan ralthuam hlauh avanga hmun danga in saseng mi 560000 chuang an awm tawh a. Chin State, Sagaing Region leh Magwe Region atangin tum hmasaah mi nuai 3 chuang an in saseng tawh.
Heng raltlante hi a theih ang tawkin chhawmdawlna pek an nih laiin hmun tam zawkah chhawmdawlna thliar luh a harsat thu an thuchhuahah an tar lang.
Heng chhawmdawlna an pek zingah hian tanpuina mamawh a san thu leh mi maktaduai 1.4 hnenah chauh pek rih a ni.
Heng te hi kum 2022 tana thla 3 chhung tan ang chauh a ni a.
Kum 2022 tana chhawmdawlna thawktu pawl (HRP)-te ruahman angin mi maktaduai 6.2 tan US Dollar, Maktaduai 826 a tul dawn a. A tum khatna thla 4 tan 5% hmuh tawh niin hmun dangah pawh hmalak tum a nih laiin boruak a that loh avanga an tel theih loh thu an thuchhuahah an tar lang.
Fur ruah tui tlak hma hian Rakhaine State-a raltlan mi 28000 te awm lailawkna chenna in, sak zawm 550 te chu thawm that a tul tawh a. Buaina awm thei eeng dinhmuna an din avangin hma lak thuai a tul thu an sawi.
