Sipiin rapthlak taka a rahbehnate chu Myanmar mipuiin an hmachhawn mek a, khawvel ramten an ngaihthah a ni tiin US palaiin warning a pe bawk.
America ram, New York khawpuia a vawi 77-na UN General Assembly-ah US president Joe Biden chuan, “Vawiinah mihring chanvo (human rights) inpalzutsakna chu khawvel hmun hrang hrangah a thelng mek a. US leh UN report-ah pawh China ram, Xinjiang-ah human rights bawhchhiatna a awm a. Democracy activist-te leh ethnic mi tlem zawkte chungah rapthlak taka rahbehna chu Myanmar sipaiten an thlen mek bawk a ni. Aghanistan-ah Taliban ten hmeichhia leh hmeichhe naupangte human rights chu an khuahkhirhsak a. Keini chu mipui huaisen tak takte nen kan ding tlat a. Human rights tana indona hmachhawn mek Iran hmeichhiate nen pawh kan ding tlat bawk a ni,” tiin a sawi.
