Thai-Myanmar ramri Chiang Mai State, Mae Ai District ramri-ah February 20 khan ruihhlo phur te leh Thai ramri No.3 duty te nen an inkahnaah ruihhlo damdawi mum an man nual a. Tun hnai lawkah khan ruihhlo damdawi mum maktaduai 12 leh a neitu nia rin, mi 12 chuang an man tawh thu excise and narcotics Dept. ten February 21 khan an News-ah an tarlang a ni.
Thai ram chhungah hian kumin 2023 atang khan Golden triangle hmun velah ruihhlo an tawlh ru thin a. February 20 khan Chaing Mai State, Mea Ai district ramri-ah ruihhlo phur te leh No.3 Thai ramri-a duty te an inkap a. Hetia an inkah hnu hian ruihhlo phur ten an paih tak ruihtheihthil damdawi mum maktaduai 2 chuang an laksak a ni.
Excise and narcotics Dept. ten February 20-a press conference an neihnaa Chinnapat Sarasin ten tun hnai khan Thai, Myanmar leh Laos infinna Golden triangle hmuna tawlh lut ruihhlo damdawi mum maktaduai 12 leh a neitu niaa rin mi 12 chuang an man a ni.
February 19 pawh khan Thai hmar lam, Chaing Rai district Kyungsen township huam chhung Golden triangle ruihhlo damdawi mum maktaduai 6.4 an man thu Mae Sai news chuan a tarlang a. Mekong tuipuia duty ten Mekong tuipui lawnga kal te leh Bike-a kal te Golden triangle Suat Lok khaw bulah an rinhleh man a. Lawnga chuang te an tuipuiah an zuang thla a, an ruihhlo erawh an man thung a ni.
