India, Governor Dr Hari Babu Kambhampati chuan Mizoram hmasawnna atana thutlukna pawimawh tak siam a nih leh avangin Mizoram mipui aiawhin lawm thu a sawi tih a tar lang a.
He Survey-in a tar lan dan chuan Sairang leh Myanmar ramri dep, Mizoram chim lam hmawr tawp a Hmawngbuchhuah chu Rel kawngin a thlun zawm dawn a ni.
Hemi chungchangah hian DGM office, Northeast Frontiers Railways chuan thuchhuah siamin Sairang atanga Hmawngbuchhuah thlenga line thar siamna tur Final Location Survey hi Act East Policy-hnuaia hmasawnna thawhna tur a ni a, he project India hmarchhak lam kal pawhna Kawngpui pawimawh tak a hawng dawn a ni.
Myanmar-a Sittwe Port kal tlanga hmarchhak thlenga bungraw phurh man leh bungraw phurh hun chhung chu nasa takin a titawi dawna rin a ni a. Tun hnai khan Myanmar-a Sittwe Port hi Union Minister of Ports, Shipping and Waterways Shri Sarbananda Sonowal chuan a hawng tawh a ni.
Tunah hian N. F. Railway chuan Bairabi leh Sairang inkarah km 51.38-a thui broad-gauge railway line project a kalpui mek a, hei hi hna zawh fel thuai tum a ni. Myanmar Border-a km 111-a sei Imphal – Moreh rel kawng connectivity project dang, final location survey pawh zawh thuai beisei a ni bawk.
Broad-gauge line thar ruahman hian, India leh Myanmar leh Asia khawmualpuia ram dang te nena insumdawnna a siam dawn bakah, inzawmna a tinghet dawn a ni. Hmarchhak state-te sum leh pai lama hmasawnna tihpunna kawngah pawh he project hian nasa takin awmzia a nei tura beisei a ni bawk.
