October ni 15-a ASEAN foreign Minister-ho emergency meeting-ah firfiak sipaihotu lal Min Aung Hlai chu ASEAN hotu lute inhmuhkhawmna Summit-a tel lo tura thutlukna an siam thu Japan NHK media chhuan a puang tih hriat a ni.
Min Aung Hlaian sipai chakna hmanga mipui thuneihna a pawng lak chinfel a nih theih nana ASEAN hruaituten ASEAN Concensus 5, a taka chantir tura an sawiho chu military council lamin chantir thei lo tura an dodal zel avangin, ASEAN hotu lute inhmuhkhawmna summit-a tel thei lo turin thutlukna an siam ta a ni.
ASEAN ram hrang hrang hruaitute inhmuhkhawmna summit chu October ni 26 atanga ni 28 thleng neih tur a ni ang.
October ni 15-a ASEAN hruaituten thutlukna an siam hmaa ASEAN leh UN Secretary-General Meeting neih tura ruahmanna chu sawn a nih thu hriat a nib awk a.
A chhan chu , UN secretary general Antonio Guterres-an Myanmar military council a pawm duh loh avangin, Myanmar palai tel vena tur ASEAN Minister-te nena an meeting hun tur chu a sawn hlattir chu UN palaite thusawi lachhawngin, Reuter chanchin chuan a tarlag a ni.
Firfiak Military Council pawla Wana Maung Lwin telin ASEAN ram 10-a Foreign Minister-te leh UN general secretary te inkarah inbiakna neih tura ruahmanna siam tawh, Zirtawpnia neih tum chu UN general secretary-in a hun sawn hla tura a ngen thu hrit a ni.
UN General Secretary chuan ram hrang hrang leh ram chhung buaina sawiho theih a nih hunah chauh ASEAN leh UN inhmuhkhawmna hun chu hman ni se tiin a sawi a.
Chutiang bawkin, Malaysia Foreign Minister Datuk Seri Saifuddin Abdullah pawhin ASEAN consensus 5-te hmalaknaah hmasawnna a awm lo a nih chuan sipai hotu Min Aung Hlai chu ASEAN hruaitute inhmuhkhawmna Summit-ah mamawh an ni lo, tiin a lo sawi bawk a ni.
Hetianga ASEAN ram hrang hrang hruaitute zinga dinhmun pawimawh leh nihna pawimawh tak hloh chhoh a nih takah chuan Myanmar Military council hotute dinhmun chu a derthawng sawt hle a tih theih a. Chutih rualin NUG sorkar-in anni an lo pen khalh hmasa zel pawh a tih theih bawk a. Europe, US leh Asia ram hrang hrangah Sipai rorelna leh thahrum thawh dodalna chu a sang chho zel a, Military council chu zawi zawia dan chepin an awm tan tawh a tih theih awm e.
