Dan chunga leng Myanmar sipai nena inthlunzawm company ten khawvel Bank lian 9-ah US Dollar Billian 24 zetin Invetment an neih thu Justice For Myanmar chuan a tar lang a.
Heng Bank lian tham Mitsubishi UFJ Financial Group, Sumitomo Mitsui Financial Group, JPMorgan Chase, UBS, Credit Suisse, Morgan Stanley, Bank of America, Wells Fargo leh BNP Paribas te nen hian an thawkza dawn niin thuchhuah an lo siam tawh a ni.
Hriat chian leh dan pakhatah chuan heng khawvel Bank lian 9 te hi Myanmar sipai sorkar te nena inkungkaih company leh sumdawnna lian
tham hmun 18-ah US Dollar Billion 24 hu share an nei niin an sawi bawk a.
He khawvel bank lian 9 te nena investment an neih chhan pawh hi Myanmar Military invennaa thil hralh chhuahna Bharat Electronics Inc
te, Military sumzawnna lam POSCO leh Chevron, Shell, Total company tiamin tuialhthei leh natural gas company 8 te an tel a. Henga an thawhhona zawng zawng hi Myanmar Military council-in sorkarna a lak February ni 1, 2021 atang khan hma an la tan a ni.
Military council lam kaihhnawihte chuan Mitsubishi UFJ Financial Group (MUFG), Sumitomo Mitsui Financial Group (SMFG), JPMorgan Chase, UBS, Credit Suisse, Morgan Stanley, Bank of America, Wells Fargo leh BNP Paribas Bank te leh company lian 18-ah pawh hian US Dollar Billion khat theuh share an neih thu hriat a ni bawk a.
MUFG company pakhat ringawtah pawh hian $ Billion 5 an hun thu leh SMFG leh JPMorgan Chase-ah pawh $ Billion 4 share an neih thu JFN chuan a sawi a ni.
Goldman Sachs company atanga Myanmar Military ralthuam thawn leh hralh chhuahna Bharat Electronics-ah hian share 5.7 a new leh bawk a. Heng boruakah hian International company kalhmang (OECD) leh UNO-a sumdawnna leh human rights lam te ngaih dan chuan Company-ah hian mihring zalenna hnualsuat lo tur leh dinhmun hniam zawka awm lo hram turin mawhphurhna sang tak in nei a ni’ tiin a tar lang a.
Justice For Myanmar-a spokesperson Mah YaDarNa Maung chuan ‘Kan tarlan tak khawvel Bank lian tham nena an indawr velnaah hian human rights lampang chu an ngaihtuahawm sawt tawh ka ring. Sipai ten mipui an nghaisa a, Bank lam thunun an tum vel bawk si a,’ tiin a sawi a ni. Mahse, heng thil hi dang ang taka chingfel tur chuan hun a duh rei leh viau mai thei a ni.
Kum 2017 khan Myanmar sipai te hian Arakan State hmar lama Rohingya an sawisak hlum nual avangin International Court-ah an inlan phah tawh angin, kumin 2021-a sorkarna an pawng lak mai piah lamah mipui chanai leh ram thau sawk a, pawisawi lo naupang tiama mi 800 chuang an thah leh tak avangin ram chhung leh ram pawn dan (International law) an bawhchhe nasa hle tih chu khawvelin a hai lova, an chungah an phu tawk hremna lekkawh a nih hun chu Myanmar mipuite nghahhleh leh tlumtea thlira an thlir ber pakhat a ni.
