UN hnuaia Human Rights Council-in Myanmar ram chhunga war criminal thubuai nei mek Military council sipaite, International Criminal Court (ICC) lama ngaihtuah a nih theih nan Myanmar ram chhunga civil society 116-in nimin khan UN-ah ngenna an thlen thu thuchhuah an siam a ni.
Military council dan bawhchhiat rapthlakte chu UN thuneihna pek court hmanga ngaihtuah a, Myanmar ram chhunga dikna a awm theih nan, Myanmar ram chhung dinhmunte ICC lama chanchin pek theih nan, UN Security Council-in thutlukna pakhat siam tura thurawn pein an nawr zui bawk tih hriat a ni a.
Chu bakah kum 2002, July ni 1 atanga Myanmar ram chhunga bawhchhiat International criminal case te nena inkaihhnawihin ICC court thutluk siam theihna pekna hmangin Rome Agreement Section 12(3) zulzuiin Myanmar sorkar NUG-in a theh luh thuchhuah chu ICC-in pawmsak a, UN General Assembly-in a ruat chhunzawm NUG sorkar Ambassador U Kyaw Moe Tun chu Human Rights Council-ah Myanmar ram aiawh thei tur leh tanpuina pe turin civil society-ten an phut bawk thu hriat a ni.
