Tualchher silai siama revolution hmachhawn thin, Myaung township te chuan meter 600 kap thei sniper an siam theih thu hriat a ni a. Sagaing region, Sagaing district, Myaung township base, Royal Brother Defence Force (RBDF) sipaiten sniper puak 5 an siam thei ta a, an ruahman dan angin revolution tangrual pawl te an pek dawn thu an sawi a.
“Tangrual pawl te hnenah Myingan 9 star battalion te pakhat kan pe tawh a, DongNi revolution tan pakhat kan pe leh ang” tiin Royal Brother Defence Force pawla information thuneitu pakhat chuan a sawi a ni.
Sniper silai pakhat siam nan hian chawlhkar 2 vel a awh a, Kyats nuai 5 vel senso a ngai a. Kum 2021 atang khan Royal Brother Defence Force-ten Military council sipaite an hmachhawn tan a, a hnuah sniper siam chhuakin an beih leh thu hriat a ni bawk.
Military council sipai te ralthuam neih ang kan nei ve lova, kan tawnhriat atangin beih zel kan tum a. Kan sipai te hman tur ralthuam duh angin pe thei lo mah ila, senso tam mah se, siam belh zel kan tum ang a, kan bei chhunzawm zel ang” tiin Royal Brother Defence Force, leader chuan a sawi a ni.
