Kayin State, Myawadi township-ah Military council sipaite leh Revolution pawlte ni 6 chhung an inkahnaah Military council sipaite 28 an thih tawh thu Cobra Column operation te hnen atanga hriat a ni.
April 4 khan Myawadi township-a Military council sipaite kut hnuaia BGF camp, Revolution pawl ten an kap a. He inkah tawnnaah hian Military council sipaite 8 an thi a, Khah Lah Yah (IB) 102-a Captain pakhat telin mi dang 10 chuang an hliam bakah BGF-a pakhat leh chanchin petu mi 2 an man bawk a ni.
He inbeihnaah hian Kya Thit (Chia Tit) operation Revolution atangin sipai 3 chin hriat loh a nih hnuah mi pakhat hmuh a ni a, mi 2 an boral thu hriat a ni.
April 5-a, khawchhung then fai hna an thawhnaah landmine 2, 60 MM pakhat, silaimu 200 chuang an laksak a. April 6 khan Military council sipai ten Me Ka Ne khuaah ralthuam lian vawi 20 chuangin an bomb hnuah an inbeih zui thu hriat a ni bawk.
April 7 khan Military council sipaite leh BGF te awmna Me Ka Ne khua hmun 3-a an beihnaah Military council sipaite leh BGF sipai 6 an thi a. Khah Lah Yah (IB) 207, Deputy Battalion Commander 1 leh mi dang 8 an hliam a. He inkahnaah hian Revolution sipai 4 an hliam a, Drone pakhat a chhiat thu hriat a ni.
April 8-a inbeihnaah Military council sipai ten ralthuam lian vawi 100 an kap chhuak a. Me Ka Ne khuaa Military council sipaite operation te an beihnaah Military council sipai 11 an thi a. IB 207-a Captain 1, IB 102-a Major leh mi dang 11 an hliam a. BGF Kyaw Soe camp, Revolution pawl ten an luhchilhnaah sipai 1 a boral a, sipai 1 a hliam thu hriat a ni bawk.
April 9 pawh khan Military council sipai ten ralthuam lian vawi 80 chuang an kah chhuah tawh hnuah Revolution pawl ten an inhmachhawn leh a, Military council sipai Lah 8, Battalion commander leh officer 5 an hliam thu hriat a ni.
BGF Kyaw Soe camp, Revolution pawl ten an beih rawnnaah Military council sipai 3 an thi a. Revolution pawla Drone 1 a chhia a, he camp atangin AK pakhat, silaimu bawm 4, vawm bomb 3, 40 MM 20, 7.62 tlawn 200, Carbine ammunition tlawn 200, Huawei phone pakhat te an laksak thu hriat a ni bawk.
He inkahnaah hian Cobra operation, Bridage 6, KNU/KNLA, Kya Thit operation, Golden Eagle, Yaung Ni, Federation Wings tangrual ten an beih rawn thu hriat a ni.
April 4-9 thleng khan Military council sipaite leh BGF tang dun ten ralthuam lian an chelek nasat avangin khawchhunga chenna in an kang chhe nual a. Bawng leh Vawk, arva tam tak a thih nual thu Cobra Column operation ten an thuchhuahah an tarlang bawk a ni.
