Mandalay region, Myingyan township, Nekyia (Ne Chhia) khuaa Military council sipaite camp an beihnaah Military council sipai leh Phyusawhti sipai 5 an thih thu Myingyan district Battalion 2 (Myingyan Ranger) pawl zinga thuneitu pakhat chuan Yangon Khit Thit Media a hrilh a.
May 13 tuk khan Military council sipai camp, PDF tangrual pawlten an luh chilh a, khaw chhiat avangin camp an laksak thei lova. He inbeihnaah hian Military council sipai leh Phyusawhti sipai mi 5 an thih bakah hliam an awm nual thu hriat a ni a.
He inbeihna hian Myingyan tangrual pawl 10-ten an beih rawn a, tangrual pawl zingah thi leh hliam an awm lova, an hnungawlhsan thu hriat a ni bawk.
Heng bakah hian Mandalay region, Myingyan district, Natogyi township huam chhunga Military council sipai operation te Drone 3 hmanga an bomb-naah Military council sipaite 7 an thih thu Myingyan District Drone Strike te hnen atanga hriat a ni a.
May 12 pawh khan Natohyi township, Shaw Phyu (Shaw Phiu) khuaa Military council sipai operation te Drone 2 hmanga an bomb te, MaGi Gyi khua an luh chilh tuma Drone 2-a an bomb te leh U Bo Taw khuaa an luh chilh nawn leh tuma Drone hmanga an bomb te avangin Military council sipai 7 an thi a, hliam an awm nual thu hriat a ni bawk.
He inbeihnaah hian Myingyan District Drone Strike (MDDS), Myingyan District Battalion 1, 27 Revolution Forces, Myingyan District Battalion 3 leh Myingyan District Battalion 4, tangrualten an beih rawn thu hriat a ni bawk.
