Myanmar sipai (Tatmadaw)-in CCTV changkang Surveillance Camera an hmang hi human right tan a hlauhawm thei dawn niin Human Right Watch (HWR) chuan an sawi.
Surveillance Camera hi mihring hmel chhinchhiah thei leh hre thei khawl thluak nei vuahna hmanraw changkang tak a ni a. Sawrkar department pakhat man tura an mi duh, an mi zawn lai mek kha he camera hian llo hmu fuh ta hlauh se sawrkar hnenah a hriattir nghal thei dawn a ni.
Chutiang khawl changkang chu a nih avangin tunlai Myanmar buaina leh kawng zawhna thleng mekah hian sipai hian an hmang tangkai ang, tih an hlauthawng a ni.
Naypidaw-a he Surveillance camera vuah hi sipaiin thuneihna a lak hma daih December 14, 2020 khan Save City planning hmahruai atan civil sawrkar khan Naypidaw-a township 8-ah 335 a lo vuah tawh a, Mandalay-ah pawh 2021 kum laihawl velah vuah tura ruahman a ni.
Yangon-ah pawh vuah chhoh zel tum a ni tiin HRW chuan a sawi.
He camera hmang hian kawng laia mihring awmte chu tute nge an nih, engnge an tih, tu nen nge an inbiak pawh tihte a chhui thei dawn a, mi mal zalenna a nek chep thei viau dawn a ni, an ti. Kawng zawhnaa telte tan phei chuan a hlauhawm duh hle dawn a ni.
He camera hi Huawei siam leh pek a ni a, a controlna centre erawh ram chhung company pakhat IT Solution-in sak phalna a hmu a, a vuah khawm lam hi nang Yoe-in a thawk tiin HRW chuan a sawi.
Credit: BBC Burmese.
