National Defence and Security Council meeting-a tel Vice President 2, Henry Van Thio chu Military council-ten thuneihna an pawh seina chungchangah NLD Party chuan a ban thu NLD Party chuan August 9 khan a thuchhuahah an tar lang a ni.
July 31-a NayPyiTaw khawpuia National Defence and Security Council meeting chuan Military council thuneihna thla 6 an pawh sei chungchangah Military council, Vice President 2, Henry Van Thio chu a tel nghal avangin NLD Party-ten a chungchang ngaihtuahin NLD Party atangin an ban a ni.
Kum 2020-a inthlanpuiah khan Amyota Hluttaw atanga thlan tlin a nih khan mipui tan theihtawp ka chhuah ang tiin a intiamkam a, hetia a phatsan mai avangin ban a nih thu hriat a ni.
Military council-ten thuneihna an lak hnu hian Military council sipaiten ram tibuaituah puhin NLD Party President leh Vice President bakah hruaitu lawk te an man tawh nual a, mi dang tam tak pawh Jail-ah an khung nual tawh thu hriat a ni bawk.
NLD Party te chuan Democracy sualtu, ram chhung mipuite nen hian thukhat vuain kan ding reng dawn a ni tiin NLD-ten an thuchhuahah an tar lang a ni.
