Switzerland rama eichawp siam chhuahna, khawvel hriat lar Nestle company chuan Myanmar-a an hnathawhna an chawlhsan dawn thu thuneitu te zing thupuangtu pakhat chuan Thawhtanni khan a sawi a ni.
Tun dinhmunah Myanmar rama sumdawnna a that loh avangin Yangon khawpuia Nestle eichawp fun chhuahna factory leh company office-pui pawh titawp a ni dawn a, a hun leh ni hriat a ni rih lo. Nestle company hian Myanmar ram chhungah awlsam taka ei in mai theih Coffee packing leh Maggi packing bakah Milo bur siam chhuakin an zuar chhuak thin a. He company-in a sem chhuahna Philippines, Malaysia leh Thai ram ten a aiah an thawh chhunzawm dawn thu an sawi a ni.
Hetia an tihtawp dawn avangin harsatna neite tan chhawmdawlna pek an ni ang tiin an sawi zui a. Myanmar-a Nestle factory leh company office-ah hian hnathawktu mi 138 an awm thu a sawi bawk a ni.
Nikum khan khawvel huapa Nestle-ina a hralh chhuahnaah Dollar maktaduai 95 billion a hmu a. Myanmar-ah Military council ten thuneihna an lak hnu hian international energy company lian TotalEnergies leh Chevron, Norway-a innghat Telenor communication company ten ram chhung an chhuahsan tawh a ni.
