Thailand atanga Malaysia rama luh tum, phalna nei lova Thai-a lut te ni 4 chhungin mi 70 chuang an man a. mihring hmanga sumdawng (Trafficker) te pawh an man nghal thu hriat a ni.
Thai Myanmar ramri Kamchanaburi State, Turk State leh Thai Malaysia ramri Songkhla State-ah ni 4 chhungin phalna la lova lut Myanmar mi 70 chuang man a nih thu Burmese People’s Affairs Joint Action Committee chairman U Moe Kyu (Mu Chu) chuan hetian a sawi.
“February 18,16,15,14, ni 4 chhung hian phalna nei lova Thaia lut thenkhat Songkhla State atanga Malaysia dan lova luh tum mi 74, mihring tawlhru mi 2 leh Thai driver 2 te security ten an man a ni”
State 3-a an man te chungchangah Myanmar lam thuneitu ten hetiang hian an sawi ve thung a ni.
“Kamcha Naburi State, Cario khawpuia dan lova lut Myanmar 15, Thai Myanmra ramri Songkhla State, Sadong township huamchhung atangin Malaysia dan lova luh tum Myanmar 13, Turk State-ah dan lova lut Myanmar 19 leh Ranong State-ah mi 27 an man a ni”
Heng, dan lova luh tum an man tak Myanmar mi te hian mihring commission te hnenah Bath 30000, 40000 an pe thin a. Heng, Myanmar mi te hi Myanmar ram dinhmun an that loh avanga tlanchhuak te an ni a. Mihring commission te bumna hmangin Thai atangin Malaysia-a luh ruk tum te an ni hlawm a ni .
Heng mihring hmanga sumdawng te hi Thai police ten a ram dan angin an hrem dawn thu Thai sorkar thuneitu ten an sawi a ni.
