Nizan Yangon chu Indona Field Ang Mai A Ni !!

0
Yangon khawpuiah chuan nizan Pathianni zan khan veng tam takah security force-ten silai kapin hrohrang an tina hle a. “Yangon khawpui chu indona field ang mai a ni” tiin khaw chhung mi pakhat chuan VOA a hrilh.
Sipai leh police-te hian hospital leh University tam tak compound chhungah bu an khuar a. Yangon Westrn hospital ah chuan sipai awm duh lova kawng lo zawh khumte silaiin an lo kap a ni.
Ram chhung hmun hrang hrangah sipai sawrkarna duh loh vanga kawng zawh a awm vut vut laiin Yangon khawpuiah chuan nizan khan hmun tam takah silai hmeh puahna a thleng a. Chih Min Dain Township tlak lam damdawi inpuiah security force-te lo luta awmhmun khuar tur duh lovin mipuiin an lo dodal a.
Zan 9:30 velah chuan silaia kapin an hnawt darh tih facebook-a vedio upload pakhatah hmuh a ni, tiin VOA chuan a sawi. A veng mite chuan police te hi an tam hle a ni, an ti a. Mipui hi kawng thlengin an um a, an kap a n ti.
North Okkala township-a Weibargie hospital-ah pawh security force-te lo luta awmhmun an khuar tur chu a veng chhung mipuiin duh lovin an va dodal a. Zan 9:00 velah chuan sound bomb, meikhu bomb leh silaimu tak te nen an lo kap tih North Okkala tawonship-a cheng Ko Aung Miu-an VOA a hrilh a.
“Webargie-6 veng Dammah-Tuhkhah street lu lama thleng a ni a. Heta lo kal tlang security force motor-in an rawn kap. Dar 9 vel a ni ang. Dar 8:00 vel atangin pawnah mi an awm tawh lo. Tuman an va tibuai tawh lo chungin silai vawi 7 an kap puak” a ti a ni.
He mi bakah, Tamwei township, Kyauk Miaung, Thingan Gyun, South Okkala, Daw Pung, Ayan Kone, Hlain, Yan Kin, Bahan, Shwei Pyitha township telin Yangon khawpui chhung hmu tam takah silai kah puahna a tleng tih Lan Mahdaw-a cheng mi pakhatin heti hian a sawi.
“Sound bomb puak thawm a hmasain kan hria a. Kan hriat rualin mei kan hmet thi. Duty te pawh an awm a, anni paw’n thim zing atangin an enthla a. Keini hi Street 3-a awm kan nia, Street 11-a awmten ralkhat atang a min hrilh chu si;aimu takin min kap a. pakhat a malah an kap thawi”
Nizana inkahnaah hliam engzat nge awm hriat a la ni lo a. Khawchhung mite an ralkhel hle a. Tun lai Yangon dinhmun chu zan dar 9:00 a lo rik tawh chuan indona field ang mai a ni. Kawng tin maiah sound bomb leh silai a puak ri dur dur a. Keini chuah Miaung lamah pawh hetiang bawk hian an ti. In tinin mei (electrict) kan tithi thuap mai a, kan ngaichang kar mai a ni. Chutiang reng reng chu kan ni a, hengho hian mipui rilruah hlauhna tuh an tum a ni ber mai.”
Security-ten kawng zawhte tun lai hian an man nasa hle a, chutih rualin tun hnaiha Administrative office, hospital leh university hung chhungah amhmun an khuar bawk zel bawk a.
Yangon Civil Hospital-ah pawh Police 16 an awm thu doctor pakhat hming tarlan duh lovin a sawi.
Crd: VOA Burmese.
Share.

Leave A Reply

Exit mobile version