Myanmar-a sipaiin sorkarna an lak chhungchangah inthlanpuia vote rinhlelh a awm thu vawi duai lo a puan thu May ni 21, 2021 khan sipai din UEC President U Soe Thein chuan Political Party nena an inhmuh khawmnaah a sawi nawn leh a.
Chuvang chuan 2020 inthlanpui hi tum ran nei, NLD te hi sawi thiatin a hnarkaiturte pawh ram phatsantu nia puhin action a lak dawn thu U Soe Thein chuan a sawi a.
Sipaiin sorkarna an lak hnu lawk February ni 8-ah khan sipai lam hnar kaitu ber General Min Auang Hlaing-a chuan inthlanpui hmaa vote pek lawk chungchangah te, dan anga vote campaing a neih loh bakah chik chian a nih thute a sawi a.
Covid-19 chhuanlamin vote pek lawk dan chi hrang hrang an siam a, dan pelin an che a, inthlanpui hma pawhin buaina a chhuak a. Vote chiang lo a awm tak avangin inbek bawr neuh neuh a tam hle a. Sipaiin February ni 1, 2021 atanga sorkarna an lak hlim khan 2020 Election Commission President U Hla Thein leh UEC te chu hren an ni ta hlawm a. State, Region leh Township UEC President leh Secretary te hi ni 35 chhung an zawt dil chhut hle a. Heng hren tak ta te chhuah a nih hnu khan Twonship Commission President pakhat chuan ‘ Vote chungchangah vote eng zat nge an siam a, kuta awm hi eng zat nge’ tih hi an zawt ber a, a dang chu an zawt
hranpa lem lo.
Chuan, veng tina kan pek ten an thlak kim lo va, vote a nuai tel meuh thu chunga endik ngawr ngawr tur chuan a awlai lova, a bu hlawmin kan chhinchhiah mai a ni. A bupui pakhatah 50 zel a awm a, bu 50-in kan puntir tawp mai a ni. Bu hlawm khatah hian a kim lo leh pun chan chu a awm hlei thei lova, a kim thlap chu a ni lo mai thei bawk. 2020 inthlanpuiah khan Township (MyoNe) 315 zingah 306 te chu vote chhiar a ni a, NLD Party chu rei lo teah dem a hlawh dawn thu U Soe Thein chuan a sawi.
Sipai lam chuan vote makdaduai 10 zet kim lovin an hre thung a. A nih chuan tunah Township tina vote tihchingpen a nihna hi in thai lang thei ang em tiin Township Election commission President chuan an zawt nghe nghe a ni.
Township Election commission President sawi angin 2020 Election commission dan angin register nei lo pawhin vote an thlak theih angin 2010 leh 2015 inthlanpuiah khan Khawl lal hriatpuina tel lovin vote an thlak thei tho tih a sawi a. Heng thu hi Party tin te pawhin an hria a ni.
He vote inmil loh avang hian NLD Party hi dan hmangin thiat thei mai a ni thei ang em tiin Hluttaw Ukil U Kyi Mynit chuan a thil tawn dan a sawi a. Dan kalhmanga sawi dawn chuan ‘ Mihringte hi ram dan hi kan ngaihsak vak lem lova, dan kalh zawngin kan che fo mai, heng thil hi an ti zel dawn tih hi kan ring reng a. Mipuite chu hetiang em emin kan mawl ka ring lo.
Aung San Suu Kyi-i an man a, NLD hi an hneh lo. 2020 inthlanpuiah khan ram chhung leh pawn mipuite che danah sawi chhiat tur neuh neuh chu an nei mai thei; mahse, awmze nei taka inthlan a nih thu tar lan hial a ni.
International inthlan lam buaipuitu pawl ANEREL chuan Myanmar inthlanpui chu ram dang entawna inthlan a nih thu a tar lang a, Japan palai pawhin a fak hle a, US leh Europian te paw’n an fak thu an sawi bawk.
Ram pawna PACE pawlte chuan ‘ 2020 inthlanpuiah khan felhlel deuh chi 6 a awm nia ngaiin thil dangah chuan tihsual a awm loh thu an sawi bawk a ni.
