NLD puipa ber pakhat U Win Htein chu kum 20 tang turin a chungthu rel

0

National League of Democracy puipa (patron) ber pakhat U Win Htein chu thuneihna latu, military council court-in kum 20 chhung tang turin a chungthu an rel tih hriat a ni a ni a, chu chu a ukilten an appeal tur thu hriat a ni.

October ni 29 tlai lam khan Naypyidaw lockup, Dakhana district special court-in National League for Democracy puipa U Win Htein chu kum 20 chhung tang turin a chungthu an rel thlu niin a ukil U Myint Lwin chuan a nemnghet a.

Ani chuan, “Vawiin dar 3 vel khan Naypyidaw lockup Dakhana district special court chuan Uncle Win Htein chu criminal section 124 (a) hmangin kum 20 tang turin an chungthu an rel a. A chhan pakhatna chu Uncle Win Htein hian party-a awm mawhphurna nei a nih angin, mipui tana sawi tur awmte a hrilh a. Press conference te a nei a. Mipuite hnena ngenna thute a chhuah a. Chutianga press conference a nei chu criminal 124 (a) nen a inbat niin an puh a. Keini tan dan lamah chuan buaina a awm lo. Party pakhat puipa tan sorkar bihchianna leh sawiselna neih chu dan lam atanga sawifiahna a awm a ni,” tiin a sawi.

U Win Htein chu kum 20 chhung tang tura a chungthu rel a nih hnuah eng tan inah nge dah a nih dawn tih hriat a la ni lo a, thil tisual ni lova puhna mai a la nih avangin, chhan let (appeal) leh theihna a awm thu a ukil U Myint Lwin chuan a sawi bawk a ni.

Share.

Leave A Reply

Exit mobile version