Noble Peace Prize hlanna turah hming 300 chuang theh luh tawh a ni

0

Kumin 2023-a khawvel chawimawina sang ber tih theih hial Noble Peace Prize hlanna turah mi thiam bik leh pawl hrang hrang mi 305-in hming an pek tawh thu February 22 khan an thuchhuahah an tarlang a ni.

Hming pek zingah hian Myanmar UN palai Ambassador U Kyaw Moe Tun leh National Unity Consultative Council – NUCC) te pawh hming an theh luh thu hriat a ni.

Heng hming te hi Norway-a innghat Peace Research Institute Oslo (PRIO) pawl ten an theh luh thu hriat a ni bawk.

Noble Peace Prize dawng tura hming inpe te hi Noble Peace Prize committee ten an endik phawt hnuah kumin October hian lawmman dawng tur te hming puan a ni ang a,  December thlaah lawmman hlanna hun hman a ni ang.

Myanmar Democray leader Daw Aung San Suu Kyi hi Democrary a nih theihna tur leh human right ngaipawimawha sual mektu a nih angin kum 1991 Noble Peace Prize khan an hlan tawh a ni.

Daw Aung San Suu Kyi hi Noble Peace Prize an hlan tawhna kum 30 liam tawh mah se, Myanmar Democracy atan mawhphurhna lian tak a la chelh reng thu Noble Peace Prize pawl ten kum 2022 khan an thuchhuah an tarlang a ni.

Kum 2021-a Military council ten thuneihna an lak atang khan Daw Aung San Suu Kyi an man nawn leh a, a dinhmun a that vak loh avangin chhuah thuai turin Noble Peace Prize pawl ten an ngen a ni.

Share.

Leave A Reply

Exit mobile version