Yangon region, north Okkalapa township, Zah Ward Bazar kawta Myat Maung rangkachak dawr chu June 18 tlai khan an suam a, Kyats nuai 16000 man hu rangkachak an laksak thu Military council-ten an thuchhuahah an tar lang a.
He dawr suamtute hi mi 3 nia hriat an ni a, silaia an kah hnuah luh chilh nghalin rangkachak an chhuhsak thu hriat a ni a. Heng an chhuhsak te hi rangkachak Kyats nuai 11600 man hu leh tangkang fai kyats nuai 5000, a vaiin Kyats nuai 16600 man hu leh lunghlu te an laksak a, silaia an kahnaah dawra hnathawktu mi 2 an hliam thu hriat a ni bawk.
June 18 zana Myat Maung rangkachak dawr an suam lai hian a bul hnaiah Military council sipaiten Double Cab motor 2-in kawngthuam pengah an Duty a, rangkachak dawr an kah lai hian eng mah an ngaihven loh thu tualchhung mi thenkhatten an sawi a.
“Zah Ward-a dawr hi mipui tamna a nih bakah darkar 24 chhung dawr hawn a ni thin a, buaina an awm palh an hlauh avangin Military council sipaiten a bul hnaiah an duty thin a. Buaina a chhuah hlim hian eng mah an ngaihven lawk lova, a hnu fe darkar chanve hnuah an thleng chauh a, suamhmangte nen an inthurual a ni ang” tiin north Okkalapa, Zag Ward-a mi pakhat chuan a sawi a ni.
Military council sipaite hian rangkachak dawra CCTV leh a bul hnaia CCTV te an khawn khawm thu hriat a ni bawk.
