National Unity Government hnuaia Permanent Representative of Myanmar to the United Nations Ambassador U Kyaw Moe Tun chu US-a International Republican Institute (IRI) chuan Democray’s Hero chawimawina John McCain Freedom Award (lawmman) a hlan thu hriat a ni.
Freedom Award dawngtute chu Lithuania ram Prime Minister Ingrida Symonyte, UN Ambassador U Kyaw Moe Tun, Belarus rama political prisoners Coordination Council Representative Tatsiana Khomich leh Cuban Grammy Award Winning Artist Willy Chilino te an ni a.
Lawmman hlanna ceremony tak chu October ni 19-ah neih a ni dawn a, chutah chuan US Senate Republican Leader Mitch McConnell, IRI Chair Senator Dan Sullivan, Senator Joni Ernst, Senator Lindsey Graham leh Senator Rick Scott te an tel dawn tih hriat a ni.
U Kyaw Moe Tun-a chawimawina dawn chungchangah NUG hnuaia Human Rights Affairs Union Minister U Aung Myo Min chuan, “ International Republican Institute (IRI) hnuaia John S.McCain Freedom Award 2021 hlan mipui ambassador U Kyaw Moe Tun hi kan chhuangin kan lawmpui tak zet a ni,” tiin a social media page-ah a ziak lang a.
He award lo dawng tawhtute chu President Ronald Reagan; President George H.W. Bush; President George W. Bush; Liberian President Ellen Johnson-Sirleaf, Aung San Suu Kyi, Natan Sharansky, US secretary of state Henry A. Kissinger, George P. Shultz leh James A. Baker te an ni a.
Ni kum 2020-a John McCain Freedom Award dawngtute chu U.S. Secretary of State Michael R. Pompeo, Hong Kong mipuite leh Belarus rama democracy tana thawk Svetlana Tikhanovskaya, Maria Kolesnikova leh Veronika Tsepkalo ten an dawng a ni.
