NUG Federal Union Minister Minister Dr. Lian Hmung Sakhong leh South Korea, Gwangju khawpui Mayor Mr. kang Gi Jung te chu an ram sana tlai 3:10 khan sorkar hmun pawimawh Hall-ah an inhmuh thu NUG, Sorth Korea palai ten an thuchhuahah an tarlang.
Dr. Lian Hmung Sakhong hi S. Korea ramah International leh Myanmar Federal Democracy chungchang sawiho tura an sawm a ni a.
Hetia an hmuhnaah hian Gwangju khawpui Mayor chuan S.Korea sorkar leh ram chhung mipui te hian Myanmar dinhmun hi kan hria a. Sipai thuneihna hnuaia Myanmar mi ten an tawrh dan kan hriat thiampui a. NUG sorkar hi sorkar puitlingah kan remtihpui a ni tiin a sawi.
Heng bakah hian S.Korea sorkar hian Spring Revolution in beihnaah kan thlawp che u a. Myanmar ramin Democracy an nih theih nana in beihnaah theitawpin tan kan lakpui che u tia a sawi thu hriat a ni bawk.
Dr. Lian Hmung Sakhong pawhin kum 1980-a Jon Du Wan-a beihna chungchang te a hre hneh hle a. He an beihna atanga Myanmar Democracy Revolution ten entawn a tul thu leh N.Korea sorkar leh mipui te hnenah lawm thu a sawi thu an thuchhuahah an tarlang.
He an inhmuhnaah hian NUG Union Minister chuan S.Korea sorkar leh NUG sorkarte nen thawkdun tur thu leh a tul anga hmalakpui turin Mayor a sawm thu hriat a ni.
Dr. Lian Hmung Sakhong hian S.Korea palaite nen Gwangju-ah kum 1980, May 18-a Martar thlante tlawhin zahna chibai a buk thu an tarlang bawk.
Dr. Lian Hmung Sakhong hian NUG an din hnu hian NUG sorkar hminga N.Korea a zin tum khatna a nih thu hriat a ni.
