NUG sorkar hian CDM-a lut hnathawk mi 40000 vel te kum 2022 thleng khan Kyats nuai 12000-in kan chhawmbawl a ni tiin NUG sorkar chuan a sawi.
Emergency-a awmna tur te, ei leh in leh thil pawimawh dangah Minister-te thlengin kan chhawmdawl a ni tiin NUG thupuangtu U Ne Boon Lat chuan Mizzima Media a hrilh.
“CDM zawng zawng te hnenah duhthusamin kan tanpui thei meuh lo” tiin a sawi zui bawk.
Military council ten thuneihna an lak hnu hian ram puma CDM lut zawng zawng mi 185000 vel an tlin tawh thu NUG hnen atanga hriat a ni.
“Office hnathawk te CDM-ah an lut deuh vek a, CDM lut lo, an awm mang lo” tiin U Ne Boon Lat chuan a sawi.
Military council ten thuneihna an lak hnu hian Office kal tawh lovin an chhuak vek hlawm a, kum 2 dawn vel thleng hian mipui lam atang pawhin CDM lut an awm nual a. sum leh pai, awmna leh ei in lamah harsatna an tawk nual a ni.
