Mandalay region, Nyaung U township, TatMa khawnvartui khurah Military council sipaiten laih an phal tawh loh avangin khawnvartui khura hnathawk chhungkaw sing (10000)-ten hna thawh tur nei lova an mangang thu tualchhung miten Yangon Khit Thit Media an hrilh a.
May 12 atang khan Ngyang U township, TatMa khawvartui khur laihnaah Military council sipaiten an dan chah avangin khawvartui khura thawk chhungkua nuai khat chuangten harsatna an tawh thu hriat a ni a.
TatMa khawnvartui laihna khura thuneitu ber Myo Min Tun chuan mi sual rual a khawi nual a. Kawng chi hrang hrangin chhiah a khawn a, khawnvartui phur Motor reng reng Card siamsakin Motor pakhatah Kyats nuai khat an dil thin” tih thu hriat a ni a.
“Tualchhung hmasawn nan tiin Baral khatah Kyats 1000 kan pe thin a. Ni khatah Baral 1000 chuang kan siak chhuak thin a, eng mah hmasawmna an awm hran lo. Khawlal (Administrator) tan tiin Kyats 1000 kan pe bawk a. Khawnvartui lai chhuak turin permit min siamsak a, A laihna khawl pakhat tan Kyats nuai hnih kan pe leh a. A laitu hi mi 100 chuang vel kan ni ang; Khur khat laih dawnin pawisa kan chawi leh a, khawnvartui khur khat laih dawn hian Kyats nuai 20 vel pek a ngai” tiin tualchhung mi pakhat chuan a sawi a ni.
TatMa khawvartui khurah hian hmun 1000 chuang vel khur a awm a, an hotu lu ber Myo Min Tun hian chung lam thuneitute kal tlangin kawng chi hrang hrangin pawisa a khawn thin thu hriat a ni bawk.
Hetia dan lova pawisa a khawn thin avangin TatMa khawvartui hmuna thuneituten thuchhuah siamin khawnvartui siak chhuak te phur chhuak tawh loh turin an khap ta a, khawnvartui laih hna hmanga ei zawng chhungkuaten harsatna an tawh nual thu hriat a ni bawk.
