Nyipyidaw-a military council hnuaia thawk, home ministry hnuaia awm staff te leh an nupuite chu May ni 16 atanga June ni 10 thleng, thla khat 1 dawn military training leh small weapon training an zir a ngaih dawn thu hriat a ni.
Nyipyidaw Union area huam chhung, Home Ministry hnuaia thawk staff te nupui zawng zawng pawhin chu training chu an zawmin an tel tur thu leh Nyipyidaw Zamuthiri township chhunga no. 4 fire department-a thawkte pawh an tel tur thu hriat a ni.
Chutih rualin chu sipai training neih tura tel duh lo, staff tam tak nupuite chu damdawi in atanga dawm lo lehkhate an lak nasat thu hriat a ni a.
Tun dinhmunah Min Aung Hlaia thupek angin Yangon telin, ram puma mipui security pawl din mek a nih thu leh, chung pawlte chu ralthuam pek leh military training mumal tak pek a nih tur thu pawh hriat a ni.
Sipai battalion hrang hrangah mihring an kiam zel avangin, sipai nupuite chu military training pe a, sipai camp security leh khaw chhung security atana hma la turin military council chuan hma a la mek bawk a ni.
