All India Radio News Aizawl-in a tar lan dangin India, Odisha-a khualzin phur rel chesualah mi 237 an thi a, mi 900 chuangin hliam an tuar a. Thu dawn danin vanduaina hi Balasore Bahanaga station-a thil thleng a ni a. June 2 zan dar 7 vel khan khualzin phur rel Shalimar- Howrah Coromandel Express chu bungraw phur rel nen an insut hnuah rel kawng zawh sualin a chesual zui a. Hemi hnu lawk hian Bengaluru-Howrah Superfast rel pawhin helai hmunah tho hian a kawng zawh sualin a chesual bawk a. Rel pindan 15-17 vel a chhe vek nia thu dawn a ni.
Odisha Chief Secretary Pradeep Jena chuan mitthi leh hliam tuar zat hi an la pun a rinawm thu sawiin chhan chhuah hna hi thawh mek a ni a. Odisha leh West Bengal sorkar bakah Defence forces te, NDRF leh ODRF team ten chhan chhuah hna an thawk mek thu hriat a ni a.
Union Railway Minster Aswinin Vaishnaw chuan chhiatna thleng chu pawi a tih thu leh chhui zui a nih tur thu a sawi bawk a ni.
