Pakhokku atanga chuak, Military Council-te chu nimin tuk khan Kyaukhtu (Chauh Thuh) township atangin Chin State, Mindat township an pan mek avangin boruak a san hmel thu hriat a ni.
July 17 khan Magwe (Ma Gui) Region, Pakhokku township atanga Chin State, Mindat leh Matupi lam pan mek, Military Council-te chu nimin tuk khan Kyaukhtu an chhuahsan hnuin nimin tuk khan Mindat township-ah an luh beisei a ni.
CDF-Mindat thu puangtu pakhat chuan “Kyaukhtu atangin Motor 65-in Mindat an pan tawh nia hriat a ni. Mindat an thlen chuan inkahna a so sang ngei ang. Tunah chuan Mindat khaw hnaihteah hmatheh Motor an theng tawh. Mindat leh Matupi kawng an zawh zel chuan kan lo dan lawk angin an in-ready thlap a ni” tiin a sawi.
Tun tum Military Council-te Mindat an pan chu tum dang aiin an inpuahchah nasa a, nimin tuk, Mindat atanga an chhuak chu kawng tluanin ralthuam lian leh te an kah natsat thu hriat a ni.
Kyaukhtu atanga Mindat township hi mel 18 vela hla a ni a, Military Council ten Mindat township khaw chheh velah Drone Camera an hmang a. Jet Fighter a thlawk nasa hle a, mipui te inralring turin CDF-Mindat ten an hriattir. Tun dinhmunah hian Mindat-Matupi Motor kawngpuiah mipui te veivak lo turin CDF-Matupi ten, July 18, tlai atang khan an hriattir.
