Tanintari (Ta Nin Ta Ri) region, PaLaw township-a inkahnaah Military council sipai 10 an thih thu PaLaw PDF thuneitu zinga pakhat chuan Yangon Khit Thit Media a hrilh a.
PinKone khaw bula Military council sipaite pawl 3-a kal te chu PDF tangrualten an lo lambun a, Military council sipai 10 vel an thi a, ruang pakhat an hlawmsak bawk a ni.
June 20, chhun dar 11:40 vel khan KaDe khua atangin Military council sipai pawl khat, PaWatKone khua atanga PyiThoungSu kawngpuia kal pawl 2 te leh Military council sipai 200 te chu PDF tangrual pawlte nen June 21, zan dar 7 vel khan an inkah chilh a, Military council sipai 10 an thi a, ruang pakhat an hlawmsak thu hriat a ni a.
He inbeihnaah hian PDF, Myeih district, No.1 Battalion, Revolution tangrual pawlten an beih rawn a, Myeih district No.1 Battalion-a sipai pakhat ram tan a nunna a hlan thu hriat a ni.
PaLaw township-ah hian inbeihna a la nasat mai theih avangin Myeih khua leh PaLaw khaw inkarah mipuite veivak rih loh turin PaLaw PDF-ten mipuite a hriattir a ni.
