Pale khawpui kaw 14-ah Military council sipai ten an luhchilh avangin tualchhung mi 10000 chuang in leh lo an tlansan

0

Sagaing region, Pale township khaw hrang hrangah Military council sipai ten an luhchilh a, Phyusawhti ten an kap chiam avangin tualchhung mi 10000 chuan an tlanchhiat thu hriat a ni.

“Zing atangin Military council sipai min luhchilh a, ka tlanchhuak vek a. Phyusawhti pawl te chenna in ruaka bungrua Bawngtawlailirin an thliar chhuak nasa hle a. Military council sipai te Phyusawhti pawl camp-ah an la awm a, tu mah kan haw ngam rih lo” tiin tualchhung mi pakhat chuan a sawi.

Pale khawpuiah February 15 zing dar 7:00 vel khan Military council sipai ten an luhchilh avangin khaw 14-a pawi sawi lo tualchhung mipui Sing khat (10000) chuang an tlanchhiat thu hriat a ni.

Khawchhung mipui an tlanchhiat vek avangin In Ma Thi khua, Phyusawhti camp-a awm ten  mipui chenna ina bungrua tam tak Bawngtawlailir 20 vekin an thliar chhuah nual thu hriat a ni a, he thu hi nemnghehna chiah a la ni rih lo.

Sagaing Pale khawpuiah February 13 khan Pale khawpuia chhuak ru Military council sipai te, Yinmabin district Battalion 10 Dong Net rawlrala che pawl ten bomb kam hmangin an bei a, Military council sipai 4 an thi a ni.

Military council sipai ten hemi ni hma hian tualchhung rawlrala che pawh te an beihnaah rawlrala che pawl mi 7 an boral a, car 3 leh bike pakhat an halsak a ni.

Tun dinhmunah hian Military council sipaite leh tualchhung rawlrala che pawl te inkar boruak a tang hle a. Khawchhungah Military council sipai ten a luhchilh mek bawk a ni.

Share.

Leave A Reply

Exit mobile version