Chin State, Paletwa township, Semi khuaah buhfai, tel (chhitui) purun leh eichawp chi hrang hrang man an letin a sang chho va, buhfai ip khatah Kyats 180000 man a kai chhoh thu tualchhung miten an sawi a.
Paletwa khawpuia kal pawhna hi Rakhine State, tuipui atanga kalna leh Pakokku-Matupi-Paletwa khuaa motor kawng tiin kawng 2 a awm a. Military council-ten thuneihna an lak hnu hian Pakokku-Matupi-Paletwa Motor kawngah inbeihna a chhuah avangin an kal tlang thei tawh lova, Rakhine State atanga KyuakTaw (Chauh Taw) khaw panna tuipui kawng chauh a awm tawh a.
He tuipui kawngah hian bungraw thliar chhuk chhohah Military council sipaiten pawisa an khawn thin thu tualchhung miten an sawi a.
Tun fur ruahtui tlak chhung hian kawng a chhiat avangin eichawp thil leh bungraw man an san zual thu tualchhung mi pakhat chuan RFA Media a hrilh a.
“Military council sipaiten an thil phurh dan azirin pawisa an dil thin a, thenkhat te chuan kawng dang zawngin an phur lut thin a. Khawchhunga buhfai ip khat man Kyats 80000 a nih laiin SeMi khuaah chuan Kyats 180000 man a ni thung a ni”
Hemi chungchangah hian Chin State, Military council sipai thupuangtu RFA Media-in phone hmanga a zawhnaah chhanna a awm loh thu hriat a ni a.
Kum 2023 kum tir khan buhfai ip khatah Kyats 80000, Coconut hriak buk 1-ah Kyats 15000, artui pum 3 Kyats 1000-a lei thin a nih laiin tunah chuan a let 2-in thil rate man a san chhoh thu tualchhung mi te hnen atanga hriat a ni.
