Chin State, Paletwa township-ah Military council sipaite leh CDF te inkahna January chhungin vawi 5 an inkap a, Military council sipai lam mi 16 an thi a, hliam an awm hual thu CDF-Paletwa ten an thuchhuahah an tarlang.
Paletwa township CDF-Paletwa Battalion 2, huamchhunga Shin Let gate, Khone khua, Shin Letwa khua leh Kone khua inkarah Military council te leh CDF-Paletwa, CNA, CJDC-Special tangrual te inkahnaah Military council sipai 16 an thi a, mi 15 aia tlem lo an hliam thu CDF-Paletwa ten an thuchhuahah an tarlang.
He inkahnaah hian CDF pawl ten MA-1 silai pakhat an laksak a, CDF sipai 2, an hliam na hle a, tualchhung pawi sawi lo mi pakhat a nunna a hloh bawk a ni.
Military council ten operation an neih reng avangin mipuite kal fimkhur turin CDF-Paletwa ten hriattirna thu an thehchhuak a ni.
